Angutip, 65-inik ukiullip timmisartumi saqisoq akunnittarfimmut, unnuiffigisaanut ujaqqaarsimagaluarpaa. Akunnittarfimmili nassaarinngeriaramiuk mittarfimmut sianerluni Lufthansap timmisartuutaani qaartartoqarnerarnissaanik isumassarsivoq. Assi: Scanpix

Serbiamiu qaartartumeerinissamik siorasaaruteqareerluni naapitaqarusukkaluartoq

Asanninneq tappiillisitsisartoq ussatitut oqaatigineqartarpoq. Matumanilu angutip asannilersimasup qaartartumeerinissamik siuarasaaruteqarneq asasami uummataanut aqqutissatut isigippagu taamaattoqarsimassagunarpoq.

Serbiamiu angut asannileqqasoq Serbiap illoqarfiisa pingaarnersaata Beogradip mittarfianut  qaartartumeerinissamik oqarasuaatikkut siorasaaruteqarsimasutut imminut nassuerutigivoq.

Angutip tyskit timmisartuutileqatigiiffiani Lufthansami timmisartumi saqisoq Beogradimi naapissimasami asannilerfigisimasamilu naapinnissaa neriuutigalugu taama siorasaaruteqarsimavoq.

Angutip, 65-inik ukiullip timmisartumi saqisoq akunnittarfimmut, unnuiffigisaanut ujaqqaarsimagaluarpaa. Akunnittarfimmili nassaarinngeriaramiuk mittarfimmut sianerluni Lufthansap timmisartuutaani qaartartoqarnerarnissaanik isumassarsivoq. Taamaaliorunimi timmisartumi saqisoq Beogradimit aallanngitsuussasoq, eqqartuussivimmi nassuiaatigaa.

Angutip siorasaaruteqarnerani ilaasussat 130-t timmisartumilu inuttat tallimat timmisartumit qimagussorneqarput, politiillu qaartartulerisartullu timmisartumik misissueqqissaareernissaata tungaanut akunnialuit utaqqisariaqarlutik.

Serbiami asannilersimasoq parnaarussivimmi ulluni 30-ni paarineqarpoq, qaartartoqarneraaninilu pissutigalugu timmisartuussinermut akornusersuinerminik uivertorsuanngortitsinerminillu unnerluutigineqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat