Serbiami ingasattajaarniat sioorasaarisut

Unatarumaneqarnerusut tassaallutik anguteqatiminoortartut, arnaqatiminoortartut, innarluutillit, juutit, allallu ikinnerussuteqartut. Talerperliuniat ingasattajaarniat suleqatigiiffiat Obraz suliniaqatigiillu allat soorlu Nationalgarden aamma Kejser Lazars Garde nunani killermiunik Melodi Grand Prix-imik nuannarisalinnik, ingammik anguteqatiminoortartunik unataarusupput.

Suliniaqatigiiffiit ingasattajaarniat katillugit tuusintit ataallugit ilaasortaqartut oqaatigineqarpoq.

Serbiap præsidentia, Europamut inussiarnersuusoq Boris Tadic, qaammammi kingullermi Melodi Grand Prix-imi peqataasussat, tusagassiortut isiginnaartussallu ernummatissaqannginnerarlugit oqaraluarpoq, tassa inuit pisinnaatitaaffiinut suliniaqatigiit arlallit aamma Europamiut tv-mut radiumullu suliniaqatigiiffiat sioorasaarinerit pillugit Serbiamut naammagittaalliuuteqareersullu.

Ukiormanna Beogradimi maajip 20-anni 22-annilu Melodi Grand Prix-mut ajugaaniutivinnissamut anngunniuttoqassaaq, maajillu 24-anni ajugaaniutivittoqassalluni.