Seqinnertarnerujussua atorluaqquaat

Tuluit Nunaata qeqqani immikkoortortamiit, Walesimiit nuna minnerulaartoq, inoqajuitsulluunniit Saharap imaluunniit Kangiata Qiterliup seqinnertarnerujussuata 0,3 procentiinnaa atorlugu Europap tamarmi atorfissaqartitaanik nukissiorfiliortoqarsinnaasoq, Europa-Kommissionip nalilerpaa.
Allattoq Mads Lynge
juulip 25-at 2008 11:25

Ilisimatuut Europa-Kommissionimut attaveqartut, inoqajuitsup Kangiatalu Qiterliup seqinnertarnerujussuata atorluarneqarnissaa kaammattuutigaat, taamaalilluni CO2-mik mingutsitsineq millisinneqarsinnaammat.

Europa-Kommissionip Nukissiorneq pillugu misissuisarfiani atorfilik, Arnulft Jaeger-Walden, Barcelonami Europami ilisimatuussutsikkut misileraanerit pillugit isumasioqatigiinnermi taamatut saqqummiivoq.

Inoqajuitsumi seqerngup qinngorneri iluaqutiginiassagaanni angisoorujussuarnik qinngornermik milluaasutut ittunik nukissiuutissarujussuarnik sanasoqartariaqassaaq, imaluunniit imermik qalatitsisussanik nukissiuutinillu kaavititsisussanik tarrarsuuterpassuarnik inissiisoqartariaqassalluni. Taakkua pilersinneqartuuppata nukissiarineqartoq naalagaaffiit killeqarfii akornutiginagit kabelit tulluarsakkat atorlugit siammartinneqarsinnaassagaluarpoq.

Seqerngup qinngorneri atorlugit Afrikami nukissiorfiliortoqassagaluarpat 3366 milliardi koruuninik aningaaliisoqaqqaartariaqassaaq, maannalu aallartisarneqartuuguni aatsaat 2050-imi piviusunngortinneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq