Avataarsualiartitaq seqineq ukiup affakkuutaartumik qanilligaangagu 500 gradinik kiatsigisumiittassaaq.Assi: Handout/AFP/Ritzau Scanpix

Seqinermik misissuissut avataasualiartinneqartoq

Seqernup qinngornerinik misissuissutitut avataarsualiartitaq ukiuni qulingiluani sivisunerusumilluunniit avataarsuarmiitinneqassaaq.

Amerikamiut Europamiullu avataarsualiartitaat USA-mi Floridami Cape Canaveralimit ataasinngornermi ullaakkut avataarsualiartinneqarpoq.

Avataarsualiartitaq "Solar Orbiter" 1,8 tonsiusoq seqinermik misissuutaassallunilu arsarnerit pillugit annerusumik ilisimatusaatigineqassaaq!

"Solar Orbiter" ukiuni qulingiluani sivisunerusumilluunniit misissuutaassaaq.

Avataarsuliartitap seqineq 42 millionit kilometerinik ungasitsigalugu kaaviiaalinnginnermini Venus Merkurilu sanioqqutissavai.

Avataarsualiartitaq seqineq ukiup affakkuutaartumik qanillattoraangagu 500 gradinik kiatsigisumiittassaaq.

"Soler Orbiter" seqernup kaaviffianiinnermini ilaatigut assiliisassaaq.

Seqernup qinngorneri kinguneqarlutsitsisinnaasut

Avataasualiartitallu atortui seqernup qinngornerinik aamma misissuutigineqaqattaassapput.

Seqernup qinngorneri sakkortuut milliardilikkaajusartut ilaatigut alutornaqisunik arsarneqalersitsisarput.

Aammali radarinut, radioqarfinnut ilaatigullu qaammataasanut aamma akornusersuisinnaallutik.

- Qaammataasat nunarsuarmit avataarsualiartitat affaat aserussagaluarpata nunarsuarmioqatigiinnut tamanna kinguneqarnerlussaaq, immikkut ilisimasalik Matthieu Berthomier Parisimi Plasma Physicsimeersoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat