Seqineq pisuuvoq
Ukiut 15-it qaangiuppata ilimagineqartutut seqernup qinngornera kissarnikinnerulerpat issileqqeriaannaasoq, ullorissat sananeqaataannik ilisimatooq Henrik Svensmark oqarpoq.
Ukiut tuusindit ingerlaneranni seqinermi pissutsit aatsaat maanna taama kissatsitsitigipput, 1940-kkunni kisssakkiartuaariarluni 1950-ikkunnili silarput kissarsimammat, isumaqarpunga inuit mingutsitsinerat pissutigalugu ullumikkut silamik kissanneraanerartarneq ilisimatuussutsikkut uppernarsaatissaqanngitsoq. Qanga misissugaasartut qiviarutsigit takusinnaavarput seqinermi pissutsit aallaavigalugit seqineq kissartumik qinngorneqaleraangat sila kissakkiartulersartoq ersarilluinnarpoq. Seqinermili pissutsit naatsorsuutigisatsitut seqernup qinngornerata nillertikkiartulerneranik kinguneqarpat, siornatigut nunarsuatsinni misigisareersimasatsitut issilersinnaasoq sermeqarfiit annertusinerannik kinguneqartumik, Henrik Svensmark oqarpoq.
Sapaatip akunnerata naanerani Nuummi Winter Cities ataatsimeersuarneranni Henrik Svensmarkip pissutsinik qanoq paasinninnini saqqummiuppaa.