Seqi Olivine aallartippoq
Allattoq Carla Davidsen
aggustip 11-at 2005 10:48
Maniitsup eqqaani ullaap tungaa olivine-imik piiaanissamut piareersaatit aallartipput. Tamanna malunnartinniarneqarpoq olivinimik piiaaviusussami Seqinnersuusami.
Olivini Maniitsup eqqaaniittoq pitsaassusigissorujussuuvoq, svenskillu piginneqatigiiffiutaat Minelco AB, kalaallit aatsitassarsioqatigiffiata Seqi Olivine-p piginneqataassutaannik tamanik pisisimasoq, neriulluarpoq.
Nunarsuarmi olivine ukiumut 4 million tonsit missaanni niueqatigiissutaasarpoq, olivinilu 1,1 million tons missaa piiarneqassasoq ilimagineqarpoq.
Olivine saviminiliornermi atorneqartarpoq. Minelcop qullersaqarfiisa ilaat LKAB nunarsuarmi saviminiliassamik sanaartortut annersaasa ilagaat.
