Seqernup uternera uleersinikkut malunnartinneqassaaq
Sermimit ikaartarfiliaq Norgemiumit eqqumiitsuliortumit Vebjørn Sandimit sanaajusoq Qaasuitsup Kommuneani borgmesterimit Jess Svanemit marlunngorpat januaarip 13-iani seqinniarnermut atatillugu uleerneqassaaq.
Eqqumiitsuliortup sermimik soqutiginnilernera 2006-imi sikuiuitsoq kujallermiinnerani aallartippoq. Taamani Leonardo da Vincip titartagaa malillugu pernaammik ikaartarfissualiorpoq. Ikaartarfillu Sandip eqqumiitsuliaasa annersaasa ilagaat.
- Sikumi ilusilersugaq kulturimut tunngatinneqarpoq, silap pissusaata allanngoriartorneranut eqqarsaatissiissutaalluni. Norgep nunanut allanut aallartitaqarfia taama nalunaarpoq.
Qeqertarsuup Tunuani qaammatini marlunni kaperlattarpoq.