Seqernup sermeq ulluni tulliuttuni qinngorsimaannassavaa
Sermersuup aakkiartornera arriinnerusumik pissappat sila seqinnerpaallaassanngilaq, ullunili tulliuttuni taamaattoqassanngilaq.
- DMI-mit silap qanoq innissaa pillugu paasissutissat pigisatta takutippaat naqitsiniisaffik kitaani sermip aakkiartorneranut seqernup qinngorneranut annikillisaataasinnaagaluartoq taamaallaat Kalaallit Nunaata kujataani pissasoq, DMI-mi silasiortoq Jesper Eriksen oqaluttuarpoq.
Nunaqarfimmi pisoq pillugu qanoq aaqqiisoqarnissaanik nalorninartorsiortoqartoq, taamaattoq silap qanoq innissaanik ilimasaarut nalornissutigineqanngilaq. Silallu qanoq innissaa malillugu kuup erngata qaffannera anneruliinnassaaq.
-Kangerlussuup nunami ilorpasissumi inissisimavoq, anorilu Kangianit kangiatalu kujataanit tassa sermeqarfiusumit ingerlaartoq aamma pisumut iluaqutaavallaarnavianngilaq, ajornerulersitsiinnarsinnaagunarporlu, Jesper Eriksen naggaasiivoq.
