Seqernup qinngorneri atorlugit nukissiuuteqarneq

Nunat avannarliit suleqatigiinnerannut atatillugu Kalaallit Nunaanni Savalimmiunilu silap pissusaanut naleqquttunik seqernup qinngorneri atorlugit nukissiorsinnaaneq ineriartortinneqalerpoq.
Allattoq Elisa Isaksen
juunip 27-at 2008 16:22

Savalimmiuni, Klaksvikimi Sisimiunilu suleqatigiilluni ineriartortitsinissaq Nunat Avannarliit suliniutinut tapiisartuinit, NORA-mit 450.000 koruuninik aningaasaliiffigineqarpoq.

Suliniaqatigiit suliffeqarfinnik teknikkullu ilinniarfinnik suleqateqarlutik Klaksvikimi misiliutaasunik seqernup qinngornera anorisaatillu atorlugit sanassamaarput.

Klaksvikimi nukissiorfiliat timersortarfiit marluk naluttarfillu kiassassagaat aalajangerneqareerpoq, taamaalillutik aalisartut illoqarfitoqaat teknikkikkut, avatangiisinillu mingutsitsissutaanngitsunik ilisarnaasissallugu.

Seqernup qinngorneri atorlugit nukissiorneq Sisimiuni misilittagaqarfigereerpaat, nunaqarfiillu ilaanni nukissiorfiliornermi paasisatik iluaqutigissamaarlugit.

Savalimmiuni Kalaallillu Nunaanni sanaassat teknikkikkut ilinniarfiit suleqatigalugit sananeqassapput. Sanaassat teknikkikkut aningaasatigullu imminnut akilersinnaappata, Kalaallit Nunaannut tulluarsakkanik, seqernup qingornera atorlugu nukissiuutissanik sannaveqalersinnaassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq