Senatorit nuimasut ilaat sakkutuut tunuartikkusuppai
USA-mi republikanerit nuimanersaasa ilaat, senatori John Warner-i, USA-p Irakimi sakkutuujutini tunuartissagai piumasaraa.
Sakkutuut 5000-it 2007 naatinnagu USA-mut angerlareersimanissaat Warnerip piumasaraa. Irakip isumannaatsuunisssaa sakkutuunit anguneqareersoq John Warnerimit oqaatigineqarpoq, sakkutuulli Irakip naalakkersuisuinit sumiginnarneqarsimasut aamma oqaatigalugu.
Irakimi naalakkersuisut Irakimik aqutsinerat naalagaaffiup isertortumik paasiniaasartuinit apeqquserneqarpoq, naammaginanngitsumillu aqutsisoqarnerarlugu.
Sakkutuut Irakimiittut USA-mit januaarimi amerlineqarput, tamannalu iluatsitsiffiusumik kinguneqarsimasoq naalagaaffiup isertortumik paasiniaasartut nalunaarutaanni aamma taakkartorneqarpoq.