Sears Tower-imik qaartitsiniat USA-mi tigusaapput

USA-mi naalagaaffiup politiivisa inuit arfineq-marluk Chigagomi USA-mi illorsuit portunersaannik Sears Towerimik saassiniarlutik pilersaaruteqartut tigusarisimavaat. Nasartaateqartuaannarmata isai kisiisa takusarpakka. Quersuarmik sissuigaqarpasittuaannarput, Patricia Sand oqarpoq.

Politiinit nalunaarutigineqarpoq amerikamiut arfinillit anngiortumillu Haitimiit nuussimasoq ataaseq tigusarineqartut. Taakku amerlanersaat muuamaamik upperisaqarput ataaserlu Al- qaidakkunnut ilaasortaavoq. Chicagomi illorsuit portunersaat Miamimilu FBI-p qullersaqarfia saassunniarlugit pilersaaruteqarsimapput. FBI-mi politiinut nalunaaruteqartartoq tigusarineqartut akornannut ingasaassiniarluni muuamaamik uppersaqartuussaarsimavoq sakkunillu pissarsiniartartuusaarsimalluni. Taamaalillutik politiit nalusimanngilaat tigusarineqartut qanoq pilersaaruteqarsimanersut, Miamimi tusagassiorfiit taama tusarliusipput.