Scooter sallusimasutut pisuutinneqarpoq

Lewis Libby, Scooterimik taaneqartartoq, sallusimasutut ullumikkut pisuutinneqarpoq, USA-milu naalagaaffiup isertortumik paasiniaasartuinut naalagaaffeqatigiit isertortumik paasiniaasartuini, CIA-mi, kilitsissiamik isertortumik paasiniaalluni misissuineranut akornusersuisimasutut.

Libby, USA-mi præsidentimut tulliusup, Dick Cheney-ip, atorfilittaanut siornatigut pisortaasoq, unnerluutiginninnerni tallimaasuni, sisamani, pisuutinneqarpoq, ukiullu 25-t parnaarussaasinnaalluni.

Suliassaq ilungersunartoq 2003-meersoq aallaavigineqarpoq, tassa naalagaaffeqatigiit isertortumik paasiniaasartuini kilitsissiap aqqa – Valerie Plame – tusagassiorfinnut saqqummiunneqarmat.

Taassuma uiata, amerikamiut nunani allani siornatigut aallartitaata, Joseph Wilsonip, Washingtonimi naalakkersuisut 2003-mi Irakimut saassussinissaq sioqqullugu kilitsissianik atuisimanerat, tamanut ammasumik isornartorsiortarpaa.

Unnerluussisut naapertorlugit præsidentip illorsuanit, Det Hvide Husimit, Joseph Wilson ima qinngarineqartigaaq, allaat nuliata isertortumik kilitsissiaanera akiniutigalugu avammut oqaatigineqarsimalluni.

Libby qanoq pillarneqassanersoq unnuguussagunartoq nalunaarutigineqassaaq.