Nuugaatsiaq Maqaasineqartut ajunaarsimassangatinneqartut
Nunaqarfik Nuugaatsiaq Karrat Kangerluani arfininngormat unnukkut nalunaaqutaq 21.48 qaqqap nakkaaneratigut tassaarnermik eqqorneqarpoq. Tamatuma kinguneratigut illut arlaqartut imaanit amuneqarput inuillu sisamat maqaasineqartutut nalunaarutigineqarlutik.
Maqaasineqartunik ujaasineq sikoqarpallaarnera ersarlunneralu peqqutigalugit oqartussanit marlunngornermi unitsinneqarallarpoq.
AAMMA ATUARUK Jeg er dybt berørt
Maqaasineqartut sapaatip akunnerata naanerani ajunaarsimanissaat, politiit marlunngormat nalunaaqutaq ualiakkut sisamanut nalunaarutigaat.
- Nuugaatsiami arfininngormat tassaartoqarnerata kingorna inuit sisamat maqaasineqartut ajunaarsimassangatinneqartut, politiit tusagassiutinut allapput.
Ajunaarsimasorineqartut tassaapput inersimasut pingasut meerarlu ataaseq. Taakkunani ataaseq angutaasoq utoqqaq pingasullu sinneri ilaqutariiusut politiinit oqaatigineqarpoq.
Nuugaatsiap eqqaani ujaasineq pissutsit aaqqiimeriarpata nangeqqinneqassaaq.
AAMMA ATUARUK Nuugaatsiami tassaarsuaarnerata kingorna assit siulliit takukkit
