Savimmik kapoorineq

septembarip 30-at 2005 11:38

Suli politiit angutit inuusuttut pingasut kalaallimik 30-nik ukiulimik savimmik kapoorisimasut ujaaraat.

Københavnip politiivini toqutsinermut tunngatillugu paasiniaasartuni vagt-iusoq taama oqarpoq.

Angut taanna arfininngornerup unnukkuani saassunneqarpoq.

Niaqqumigut isimmittarneqarpoq, qatimigut saneramigallu pingasoriarluni savimmik kapineqartarluni.

Tamanna pivoq angutip kalaallip aalakoorluni nunasisut inuusuttut suaartarfigereerai.

Saassunneqarnermini kalaallip inuusuttup puai ajoquserput ullullu arlallit Rigshospitalimi anersaartuuserneqarsimalluni.

Marlunngormalli politiit saassussisinnaasimasut angutit pingasut tigusaraat.

Killisiorneqarnermi kingorna marluk iperagaasinneqarput pingajuallu ulluni 13-ni tigummigallagassanngortitaalluni. Taannali toqutseriaraluarsimasutut pisuunginnerarpoq annikinnerusumilli persuttaasimasutut nassuerluni.