Savimmik kapisisoq nakuusersimasutut pineqaatissinneqarpoq
Arnaq 50-inik ukiulik qaammatini qulini pineqaatissinneqarsimasut inissiisarfianiittussanngorlugu Narsami ippassaq eqqartuunneqarpoq.
maajip 12-at 2009 09:12
Arnaq imigassartorsimalluni aapparisimasaminik savimmik qitiatigut kapisisoq siullermik toqutseriarsimasutut unnerluutigineqarpoq.
Eqqartuussineq naammassimmat arnaq toqutseriarsimasutut pineqaatissinneqarani nakuusersimasutut pineqaatissinneqarpoq. Arnap pineqaatissinneqarnini akueraa. Angut napparsimavimmi suliarineqareerluni angerlareerpoq.
