Savilersortut pingasut tigusaapput

Inuusuttut pingasut – marluk 16-inik ataaserlu 18-inik ukiulik – angummik kalaallimik 30-inik ukiulimmik Københavnip avannamut’kitaani, Møntmestervejimi, persuttaasimasutut ippassaq tigusarineqartut, Københavnimi politiit nalunaarput.

Persuttaaneq tallimanngornerup unnuaani unnuap’qeqqata missaani pivoq, angutip kalaallip imigassartorsimalluni angutit inuusuttut nuna allamiut nuunnerit oqaasipiluffigalugit qinngasaareeraalu.

Oqaasipiluffigineqarnertik angutit inuusuttut sisamat puuaqillassutigaat, 30-inillu ukiulik niaquatigut isimmitsarpaat kingornalu saneraatigut qatigaatigullu savimmik kapoorsimallugu. Angutip kalaallip saassunneqartup inuunera navianartorsioraluarpoq, napparsimmavissuarmilu Rigshospitalimi ataasinngornerup tungaanut anersaartuuteqartittariaqarsimalluni, tassa resperator.

Persuttaasimasuugunartut pingasut ippassaq tigusarineqarput, sisamaalli suli nassaarineqarani. Tigusarineqartut ullumi killisiorneqassapput, toqutseriaraluarsimasutut unnerluutigineqassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat