Savilersorluni toqutsisimalluni nassuerpoq
Kulusummi angut 45-nik ukiulik, angummik 50-inik ukiulimmik toqutsisimasutut ippassaq tiguasarineqartoq, Tasiilami eqqartuussivimmi inatsit tunngaviusoq naapertorlugu ippassaq unnukkut killisiorneqarnermini toqutsisuulluni nassuerpoq.
50-inik ukioqartoq kapineqarluni toqunneqarsimassangatikkaat
Angut 50-inik ukiulik savimmik kapisimallugu nassuerpoq, taamaalimmallu ulluni 27-ni tigummigallagassanngortinneqarpoq.
Toqutsinermut peqqutaasinnaasumik saqqummiussissoqanngilaq, maannali misissuisoqalerpoq. Inuit arlallit apersorneqassapput, tigusaasorlu tarnikkut misissorneqassalluni. Aamma sunarpiaq toqqutaanersoq qularnaarniarlugu nakorsamik toqusoqarsimatillugu misissuisartumik Danmarkimit Tasiilaliartoqassaaq.