Savat neqqaarinnerit

Savaaqqat neqqarinnerpaat tunisassiarisalernissaat anguniarlugu qarasaasiaq atorlugu nalunaarsuinerit pisalissapput. Programmi kinguaassiortitsinermut nalunaarsuinermut tunngasoq isumalluarfiulluartoq, sulianut siunnersorti ArKalôraK Frederiksen oqarpoq.

-Kinguaassiortitsinermi nalunaarsuinermut programmi Islandimi ukiorpassuarni ineriartortinneqarsimasoq kalaallisuunngorlugu nutsertinneqarsimavoq. Nalunaarsorneqartarput marluligajussuseq, neqip pitsaassusia pitsaassutsillu savap pigisai.

Savaatillit ikittuinnaat nalunaarsuinermik ullumikkut angerlarsimaffimminni nammineq atugassaminnik ingerlataqarput pisarioqisumik piffissarujussuarmillu tigusisartumik.

-Ajornanngitsumik atorneqarsinnaagami, taava nalunaarsukkat Islandimut nassiunneqariarlutik inernerilu savatilinnut utertinneqartassallutik.

Savat marluligajussusiat, savaaqqat oqimaassusiat neqaasalu pitsaassusiat normulersuisalernikkut nalunaarsorneqartassapput.

- Tass’ ima pisarpoq. Arnavissat angutikuluullu allattorneqartarput. Piaqqigaangata piaraat allattorneqartarlutik, ukiakkullu toqoraaviliaatinnginneranni oqimaassusaat uuttortarneqartarpoq toqoraavimmilu kiilui uuttortarneqartarlutik.

-Savaaqqat neqaasa neqqarissusiat orsoqassusiallu naggataagut nalunaarsorneqartassapput, tamakkulu tamarmik siunissami kinguaassiortitsinermi iluaqutigineqartalissallutik.

Savaateqarnermut siunnersorti ArKalôraK Frederiksen aamma oqarpoq programmimik atuilersussat siulliit februaari marsimi pikkorissartinneqassasut. Savaateqarfiit nunatsinni 50-it missaanniipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat