Savalimmiut suminngaanneernerat paasiniarneqarpoq

Savalimmiormiut suminngaanneersuunerat maanna sukumiisumik paasiniarneqalerpoq. Suminngaanneersuunerlu pillugu misissuinermi Savalimmiuni nukappiaqqat 150-it aallaavigineqassapput.

Savalimmiormiut suminngaanniit kingoqqisuuppat? Vikinngit kinguaaraat, imaluunniit Islandimit kingoqqisuuppat? Immaqaluunniit Norgemeersuuppat imaluunniit kelterinit kingoqqisuuppat? Apequtit tamakku akissutissarsiniarlugit Savalimmiuni pinngortitalerinermik ilisimatusarfimmiut Savalimmiuni nukappiaqqat 150-it DNA-vi, inuttut sananeqaataat misissorniarpaat.

Nukappiaqqat misissorneqartussat Savalimmiuni sumiiffinni assigiinngitsuni pingasuni, Strømø-mi, Suderø-mi Nordø-nilu najugaqartuupput.

Misissuinissami aqutsisussaq Eydfinn Magnussen Savalimmiut radioanut oqarpoq nukappiaraannaat misissornissaat naammassasoq, nukappiaqqat sananeqaatitigut kinguaassanut aallaaviusarmata.

Misissuinermi nukappiaqqat kikkunnik siusaaqarnersut aamma paasiniarneqassaaq.

Sumerpiaq kingoqqisuunermit misissuineq Islandimi aamma ingerlanneqarsimavoq, tassanilu paasineqarpoq Islandimiut Norgemiuinnaanngitsunik Vikinngiinnaanngitsunik aammali Kelterinik siuleqartut.