Savalimmiut qeqertai ajugaapput
Immikkut ilisimasallit nunanit tamaneersut qeqertat 111-t avatangiisaannik nalilersuinerminni, inuiaat pinngortitarlu eqqarsaatigalugit, Savalimmiut ajugaatinneqarnerat atuagassiami National Geographicimi allaaseraat.
-Savalimmiut tupinnaannartumik kusanartunik ippissuartut isikkulinnik qaqqaqarput. Savalimmiormiullu ataatsimoorput savalimmiuiullutik – danskiunatik – namminnerlu oqaaseqarlutik, immikkut ilisimasallit Savalimmiunik katillugit pointinik 87-inik tunisisimasut allapput.
National Geographicimi immikkut ilisimasallit aamma nersualaarutigaat, Savalimmiuni takornariat Savalimmiormiutulli allat assigalugit qeqertani angalasinnaammata.
Tamatumunnga atatillugu immikkut ilisimasallit oqaatigaat siunissami inooqatigiinnikkut avatangiisitigullu sunnerneqarneq ajornakusoortoq siunissami sianigisariaqartoq, tamannali Savalimmiormiut ilisimaaraat qanorlu pissuseqarfigissanerlugu nalunngilaat.
”Tamakkua tamarmik Savalimmiunik allanit assigineqanngitsumik alutornarnerulersitsipput”, oqartarput.
Normu 2-tut inissisimapput Portugalimiut qeqertaat Azorerne 84 pointinnattut, normu 3-ullutik Norgimiittoq Lofoten kiisalu tuluit qeqertaat Shetlandsøerne 82 pointinnattut.
