Savalimmiut Nordisk Rådimut namminerisamik ilaasortanngunngitsoorput

Nunani Avannarlerni Siunnersuisoqatigiinnut Nunanilu Avannarlerni Ministerrådemut nammineerluni ilaasortanngornissamik qinnuteqaat Savalimmiuneersoq isummerfissatut suliarineqanngilaq.

Savalimmiut Nunat Avannarliit Siunnersuisoqatigiivini aammalu Nunat Avannarliit Ministerrådeanni Savalimmiut nammineerluni ilaasortanngornissamik qinnuteqaataa isummerfissatut suliarineqaqqullugu Danmarkip Naalagaaffiata Aallartitai, taakkununnga ilaalluni Inatsisartunut ilaasortaq Augusta Salling, isumaqataallutik taasipput.

Svenskit, finlandimiut norskillu ilaasortaanit Nunani Avannarlerni sinniisuusut siunnersuut isummerfissatut suliarineqassanngitsoq ingammik inassutigaat, tamatumalu kinguneranik siunnersuummut tunngatillugu Nunat Avannarliit Siunnersuisoqatigiivi iliuuseqaqqissanatik.

Kalaallit Nunatsinniit Augusta Salling peqataavoq, Siumut sinnerlugu Otto Jerimiassen peqataanngitsoq.

Taasinerni 37-it itigartitsipput 20 akuersaartut marlullu taaseqataanngitsut.