Savalimmiormiu Pál Joensen 2016-imi OL-imut Danskit erfalasuat atorlugu peqataavoq. 2020-mi nammineq erfalasuni atorlugu peqataaratarsinnaavoq.

Lars Løkke Rasmussen: - Savalimmiut nammineq erfalasuni atorlugu OL-mut peqataasalerli

Savalimmiut olympiademi nunatut nammineq erfalasumik nassataqarluni ilaasalernissaminik ilungersuuteqarnera ministeriunerup Lars Løkke Rasmussenip taperserpaa. Savalimmiuni timersortartut kattuffiata, Ítróttasamband Føroyap tusagassiuutinut sisamanngornermi tamanna nalunaarutigaa.

Savalimmiormiut OL-imut ullumikkut ilaagaangamik danskit erfalasuanik atugaqartarput, savalimmiormiulli tamanna allanngortikkusuppaat, tamannalu Lars Løkke Rasmussenip maanna taperserpaa.

- Danskit naalakkersuisuisa savalimmiormiut nunat tamalaat OL-imut ataatsimiitiaanut ilaasortanngorniarnerat taperseraa Danmarkimi ministeriunertut oqaatiginiarpara, Lars Løkke Rasmussen allappoq, Savalimmiullu danskit naalagaaffianut ilaagaluarluni qeqertat namminersornermik oqartussaanermik annertuumik timersornermik suliassaqarfimmik ilaqartumik tigummiaqartoq erseqqissaatigalugu.

Savalimmiut OL-imut ilaalernissaanut kissaateqarnermi qeqertat 1984-imili Paralympicsinut ilaasortaalereersimaneranik tunngavilersorneqarpoq, savalimmiormiut innarluutillit OL-ertarneranni 13-inik saqqarmiunnannikuupput innarluutillillu timersortarneranni aqqanilinnik nunarsuarmi angusat annersaannik angusaqarnikuullutik.

Savalimmiormiut timersortartuisa kattuffianni siulittaasup Jon Gestoyip Lars Løkke Rasmussenip tapersiinera nuannaarutigaa Savalimmiulli timersornerni allani soorlu isikkammik arsarnermi, assammik arsaannermi sulorarnermilu nunat tamalaat akornanni timersortartut kattuffiini namminersortutut ilaasortaareersut erseqqissaatigalugu.

Lars Løkke Rasmussenip tapersiinera Danmarkip, Norgep Islandillu OL-imi ataatsimiititaliaannit aamma taperserneqarpoq.

Nunarput nunat tamalaat olympiademut ataatsimiititaliaanut suli ilaasortaalinngilaq taamaammat OL-imut peqataasut danskit erfalasuat atortarallassavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat