Savalimmiut Naalakkersuisui isummeqquneqarput

Savalimmiormiut nunarsuarmi innuttaasut amerlassusaannut agguaqatigiissikkaanni mingutsinneqarnerpaanut ilaapput, tassaallutillu nunani avannarlerni kisiartaallutik nunat tamalaat silaannarmik mingutsitsinnginnissamik Kyotomi isumaqatigiissutaannut atsioqataasimanngitsut.

Pinngortitamik eqqissisimatsinissamik suliniaqatigiiffiit nunanit avannarlerneersut maanna peqatigiillutik Savalimmiuni Naalakkersuisunut kaammattuipput, Savalimmiut nunarsuarmiut isumaqatigiissutaannut ilannguteqqullugit.

Suliniaqatigiiffiit isumaqarput tamanna pisariaqalivissoq, misissuinerit takutereermassuk, Savalimmiuni inuttussutsimut naatsorsornerani CO2-mik aniatitsineq nunarsuup sinnerani aallani inuttussutsimut agguaqatigiissillugu aniatitamit pingasoriaammik annerusoq.

1995-imi gassi aniatitaq inummut ataatsimut agguaqatigiissillugu Savalimmiuni 13 ton-ingajaasimavoq, Islandimi otte toniusoq Norgemilu syv ton.

CO2-mik aniatitsinerpaasimapput aalisariutit 32 procentimik aniatitsisut, tulliupput angerlarsimaffiit 20 procentimik aniatitsisut, uuliamillu qalluineq aallartissagaluarput suli kisitsit annerulissasoq ilimanaateqarmat, Savalimmiuni naalakkersuisut maannamut iliuuseqarsimanngitsut aalajangiisariaqalersorineqarput.