Savalimmiut killilersuiffigineqarnissaat EU-mi akuersissutigineqarpoq

Savalimmiut killilersuiffigineqarnissaat EU-p aalisarnermut aalisakkanillu uumatitsivinnut ataatsimiititaliaani pingasunngornerup ullaavani aalajangiiffigineqarpoq, Savalimmiullu aammalu Islandip illuatungaanilu EU-p Norgellu akerleriissuteqarnerisa kinguneralugu.

Illuatungeriit Rusland peqatigalugu Atlantikup imartaani aalisakkanik pisassiissutit ukiumut ataatsimeeqatigiittarnerni aalajangersartarpaat.

Savalimmiormiulli isumaqatigiissutaasut uniorlugit ammassassuarnik makrelinillu pisassiissutit nammineerlutik qaffassimavaat, Island aamma makrelinik pisassiissutinik namminersuussilluni qaffaasimavoq.

Nunat taakku marluk tunngavilersuutigaat, aalisakkat Atlantikup imartaaniittut nunamik toqqaviinut qanillisimasut, taamaattumillu aalisartagartassatik amerlineqartariaqartut.

EU-p, Norgep Ruslandillu pisassiissutitut aalajangersarneqartut aalajangiusimaannarneqarnissaat kissaatigisimavaat, ataatsimeeqatigiittoqaraluartorlu isumaqatigiittoqarsinnaasimanngilaq, tamannalumi EU-p Savalimmiunik killilersuinissamik aalajangerneranik maanna kinguneqarluni.