Savalimmiut Italia Frankrigilu unammissaavaat
Savalimmiuni takornariaqartitsinermik suliallit ulluni makkunani pissamaaleruttorput.
Savalimmiut nunanut allanut arsartartuisa Europami arsaalluni 2008-mi Schweizimi pissartanngorniunnissanut anngunniutilerpata naapitassaat imaannaanngitsorsuupput.
Anngunniunnissamut holdit gruppikkaarlugit agguarneqarsimalerput, Savalimmiormiullu naapitassaat tassaapput nunarsuarmi pissartanngoqqammersut Italia, pissartanngorniutivinnermilu ajorsartut Frankrig kiisalu Ukraine.
Anngunniunnerit oktobarip qaammataani aallartissapput, Savalimmiormiullu Parisiliassapput, Frankrig tassani unammissallugu.
Unammeqattaarnerit aappagu juunip qaammataani nangeqqippata, Italia Thorshavnimi arsaattarfeeqqami unammineqassaaq, oktobarillu qaammataani Frankrig unammineqassalluni.
Savalimmiuni takornariaqartitsisut oqaatigaat arsaattunik nuannarisallit Europameersut saaffiginnillattaartalereersut, nunarsuarmi pissartat tullersortaasalu Savalimmiuni unamminissaannik malinnaarusuttunik.
