Savalimmiut it pillugu toqqorsiviliorniarpoq

Nunat Killiit Illersoqatigiiffiata NATO-p Savalimmiuni radareqarfigisimasaa qarasaasiakkut paasissutissanut eriaginartunut toqqorsivinngortinnissaa eqqarsaatigineqalersoq, Ritzaus Bureau ullumi allaaserinnippoq.

NATO-p qaqqami Sornfellimi radareqarfigisimasaa, quleriinnik marlunnik inissiatut atsigisunik initalik, nunarsuarmi internetikkut paasissutissat eqqarsaatigalugit toqqorsivinngornissaa pilersaarusiorneqalerpoq.

Radareqarfikoq nammineq innaallagissiuuteqarpoq, isumannaallisagaalluinnartuullunilu.

Savalimmiut imarpimmi inissisimanermikkut, sorsuffiunnginnermikkut allatigullu ajutoorfioriaannaannginnermikkut toqqorsivissaqqissorujussuupput, Savalimmiuni it-mik suliaqartut kattuffianni siulittaasoq Michael Thomsen oqarpoq.

Sornfelli danskit illersornissaqarfiata maanna atugaraa, it-mullu atatillugu qarasaasiaqarfissuartut atulissappat, Savalimmiuni politikerit danskit oqartussaasut apereqqaartussaavaat.

Inuussutissarsiutit pillugit Naalakkersuisoq Bjarni Djurholm oqarpoq, inatsisartunut januaarip ulluisa 19-ianni qinersisoqareerpat pilersaarusiornerit nanginneqassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat