Savalimmiut Islandi aningaasanik ikiorserpaat

Savalimmiuni aningaasarsiornermut aningaasaqarnermullu naalakkersuisoq Islandimi Reykjavikimeeqqammerpoq, nunap eqqaamiumi aningaasarsiornikkut ajornartorsiornera pissutigalugu 300 millioni koruuninik ikiorsiiartorluni.
Allattoq Louise M. Kleemann
novembarip 20-at 2008 07:02

Naalakkersuisup - Joannes Eidesgaardip - Islandimilu aningaasarsiornermut aningaasaqarnermullu naalakkersuisup, Àrni Mathiesenip, Reykjavikimi isumaqatigiissutigaat aningaasat atukkat ukiuni tallimaagallartuni taarsersorneqanngikkallassasut, aningaasassaqalerunilli taarserumaaraat.

- Naalakkersuisutut ikiuussinnaalluni misigisaq tulluusimaarnaqaaq nuannerlunilu. Uagummi nalunngeqaarput aningaasarliornermit eqqorneqarluni qanoq naalliunnartigisoq. Ukiut 16-iinnaat matuma siorna, tassa 1990-ikkut aallartilaarneranni, uagut namminerpiaq tamanna misigaarput, Joannes Eidesgaard oqarpoq.

Aningaasanik ikiorsiisoqassatillugu Savalimmiuni Lagtingip akuersaaqqaarnissaa piumasaqaataasaraluarpoq. Lagtingimili ilaasortat tamarmik siusinnerusukkulli nalunaarutigereerpaat ikiorsiinissaq tapersersoritsik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq