Savalimmiut immikkut biskoppeqarfinngussaaq
Savalimmiormiut inuiattut juulip ulluisa 29-anni ullorsiulerpata pingaaruteqartumik pisoqassaaq.
Ilagiit danskit tapersersugai Savalimmiuni atorunnaarsinneqassapput, Savalimmiunilu ilagiinnik nammineq tapersersugaqalernissaq siunniunneqarluni. Savalimmiuni inatsisartuni Lagtingimi tamanna pillugu taasisitsisoqarmat akerliusoqanngilaq.
Savalimmiuni ulloq manna tikillugu biskopiusimasoq Hans Jakob Joensen nammineq kissaatigisamik novembarimi tunuartussanngormat, Savalimmiuni biskopimik qinersisoqarnissaa Danmarkimi oqaluffeqarnermit ministereqarfiup nalunaarutigeqqammerpaa.
Biskopimik qinersinissaq pillugu saaffiginnittoqassappat Savalimmiormiut biskoppeqarfiannut tamanna pissasoq, Danmarkimi oqaluffeqarnermut ministereqarfiup nalunaarutigaa.
Savalimmiuni ilagiit ukiumut 13 millioni koruuninik naalagaaffimmit pisarput, oqaluffiilli 60-it missaanniittut Savalimmiomiunit aqunneqalerpata nammineq aningaasalersugaalissapput.
Naalagiartarnissartik Savalimmiormiut pingaaruteqartittorujussuaat.
