Savalimmiut iliuuseqapallanniarlik

Danmarkimi avatangiisinut ministeriata, Connie Hedegaardip, Savalimmiut iliuuseqarnissaat utaqqikatalerpaa.

Uumasut nungutaanissamut qanittut illersorneqarnissaat anguniarlugu, Savalimmiuni CITES-i aqqutigalugu malinninnissaq ingerlanneqanngilaq, assersuutigalugu arferit neqaat allallu Savalimmiuniit nunanut allanut anninneqarsinnaanerinut tunngatillugu CITES-ip piumasaqaataanik malinnittoqarneq ajorpoq, taamaammat CITES-imit piumasarineqartut Savalimmiunit piaartumik malinneqalernissaat, Connie Hedegaardip piumasaraa.

CITES-ip piumasaqaatai Kalaallit Nunaata malippai, Naalagaaffeqatigiinnilu Savalimmiut kisiartaalluni, arferit eqqarsaatigalugit, malinninnani.

- Savalimmiormiut nammineerlutik CITES-ip maleruaqqusai inatsisiminnut ilannguttussaavaat, ukiorlu kingulleq tamanna saaffiginnissutigereernikuuara, ulloq mannalu tikillugu susoqarsimanngilaq, Connie Hedegaard oqarpoq.

Tikaagullik nungutalersutut CITES-imit isigineqarpoq, Savalimmiunili isumaqarput, tikaagullik nungutaalinngitsoq.