Savalimmiut erfalasuat allinngorlugu

Savalimmiormiut danskillu erfalasutik assortuussutigilerpaat. Assortuunneq pilerpoq qeqertarmiut Rhodosimi unammiuaarneranni erfalasut erfalasulerfimmi ataatsimi ima amuneqarmata, danskit erfalasuat qullinngorlugu savalimmiormiullu erfalasuat allinngorlugu.

-Erfalasut taama amuneqarsimapput danskit Rhodosimi konsuliat unnuisarfiutilimmut taama amoqqullugit piumasaqareersorlu, erfalasullu taama amuneqarsimanerat pillugu nunanut allanut ministeri nassuiaateqartariaqartoq Folketingimi ilaasortaq savalimmiuneersoq Høgeni Høydal piumasaqarpoq, Savalimmiuni nutaarsiassaqartitsiviit taama allaaserinnipput.

Danskit Grækenlandimi konsuleqarfiat taama amusinissamik piumasaqarsimanngitsoq nunanut allanut ministereqarfimmiut akipput.

- Savalimmiormiut erfalasumik taama amuneqarsimanera persuarsiutigaat orullutissaqanngillalli, tassami konsuleqarfik taama amusisoqarnissaanik piumasaqarsimanngilaq, unnuisarfiutillimuna erfalasut nammineerluni taamatut amusimagai, nunanut allanut allanut ministereqarfimmi Savalimmiut pillugit siunnersorti Arni Olafsson avisimi Politikenimi isuuarneqarpoq.

Savalimmiormiut danskillu erfalasuisa ataatsimut amuneqarsimanerat tassa danskit erfalasuat qullinngorlugu savalimmiormiullu allinngorlugu Savalimmiormiunit Rhodosimut takornariartunit unammiartunillu assut uumisuutigineqarpoq naalagaaniarnertullu nalilerneqarluni.