Savalimmiut allatut periarfissarsiulerput, misissornialerpaat EFTA-mut ilaasortanngorsinnaanerlutik.
EFTA tassaavoq Killilersugaanngitsumik Niueqatigiinnissamut Europami Suliniaqatigiiffik, nunanut EU-mut ilaasortaanngitsunut atasoq.
EFTA-mut maanna ilaasortaapput Island, Norge, Liechtenstein aamma Schweiz.
Savalimmiuni lagmandi, Joannes Eidesgaard, oqarpoq, Savalimmiut EFTA-mut ilaasortanngorsinnaappata EU-mut attaveqarnermut tapersersuutaassagaluartoq.
EFTA-mulli ilaasortanngornissaq Savalimmiunut ajornakusoorsinnaavoq, qeqertammi taakku namminersortuunngillat, naalagaaffeqatigiinnermulli ilaallutik.
Island, EFTA-mi maanna siulittaasuusoq, Savalimmiormiut ilaasortanngornissaannik suliniuteqarusuppoq.
Savalimmiut tassa EFTA-mut ilaasortanngorusupput, EU-mulli ilaasortanngorusunnatik.
EU-mut ilaasortanngussagaluarunik aalisarnermik Bruxelles-miit aqunneqalernissaat ernummatigaat.