Savalimmiuni arnat nunanut sanilerisaminnut, tassa nunani avannarlerni arnaqatiminnut sanilliullutik pujortarnerugaluarlutik uummatimikkut nappaateqarnerat appariaateqarsimavoq.
Savalimmiuni nakorsat nalunaarusiaa malillugu ukiut arfineq pingasut ingerlaneranni arnat uummallullutik taqqaminnilluunniit milittoorlutik toqusartut 35 %-miik 25%-mut appariarsimavoq.
Appariaateqarneq pissuteqartinneqarpoq uummalluttut katsorsarneqartarnerisa pitsaanerulersimaneranik, taama savalimmiuni nakorsaq Høgni Debes Joensen oqarpoq, erseqqissarlugulu tamanna suli pitsaaneruleriarsinnaasoq, pingaartumik arnat amerlanerit pujortartarunnaaraluarpata.
Savalimmiormiut angutit uummallullutik toqusartut 35%-miik 28 %-mut appaariaateqarsimasoq ukioq kingulleq aamma paasineqarsimavoq.