Savalimmiut amigortoortussanngortut

Savalimmiormiut aalisakkanik avammut tunisaqarnerat ukioq manna qaammatit tallimat siulliit ingerlaneranni siornamut naleqqiulluni 28 procentimik appariarsimammat amigartooruteqartoqarnissaa ilimagineqalerpoq.

Nunarsuarmi aalisakkat massakkut akigissaaraluaqisut, Savalimmiut avammut tunisaqarnerminni siornamut naleqqiullugu 280 million kruuninik isertitakinnerunerat aalisarnerliornermik pissuteqartoq, Savalimmiuni naatsorsueqqissaartarfimmit oqaatigineqarpoq.

Ukiup matuma affaani siullermi Savalimmiormiut avammut tunisassiornerminni katillugit isertitaraat 1,4 milliarder koruunit.

Siorna taamaalinerani 1,5 milliarder koruuninik isertitaqarsimallutik.

Savalimmiormiut 1,7 milliarder koruunit naliginut avataaneersunik pisiortorsimammata, amigartoornissaq naatsorsuutigineqareersinnaasoq, Savalimmiuni naatsorsueqqissaartarfiup pisortaa Herman Oskarsson Savalimmiut radioannut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat