Savalimmiut allivoq
New Yorkimi FN-p ataatsimeersuartitsinerani nunat tamalaat imartaqarnikkut killeqarfii pillugit aalajangersaasoqarnerani isumaqatigiissutigineqarpoq, Savalimmiut eqqaani imartaq 27.000 kvadratkilometerinik ilaneqassasoq.
Savalimmiormiut, Islandimiut, Norgemiullu akunnerminni isumaqatigiissuteqarniareersut aalajangiunneqarpoq, imartaq 111.500 kvadratkilometerisut annertigisoq nunat taakku pingasuullutik avissagaat.
Isumaqatigiissut ilaatigut imaqarpoq, uuliamik nassaartoqassagaluarpat nunat taakkua pingasuullutik aamma avissagaat.
- Nunatsinniit avammut killissarititaasoq 200 sømile qaangerlugu aatsaavissuaq nunat nunatta eqqaaniittut peqatigalugit isumaqatigiissuteqarnikkut taamatut killiliisoqarpoq, taamaattumik isumaqatigiissut immikkuullarilluinnarpoq, Savalimmiut lagmandiat Joannes Eidesgaard oqarpoq.
Savalimmiunili nunanut allanut politikki suli taannaavoq, tassalu danskit naalagaaffiata nunanut allanut politikkia.
