Savalimmiut aggustimi killilersuiffigineqarunnaassapput

Savalimmiut ammassassuarniartartuisa EU-mit niuernikkut killilersuiffigineqarnerat aggustip qaammataata qiteqqunnerani taamaatittussanngorpasippoq.
juunip 30-at 2014 11:40

Lagmand Kaj Leo Johannesen tusagassiorfinnut nalunaaruteqarluni taama ilisimatitsivoq.

Savalimmiut tamatuma peqatigisaanik  line-height:120%;font-family:Verdana"> line-height:120%;font-family:Verdana">Naalagaaffiit Peqatigiit Imaani pisinnaatitaaffiit pillugit ataatsimiititaliarsuannut aamma Nunat tamalaat niueqatigiinnikkut suleqatigiiffiannut WTO-mut EU-mik suliassanngortitsisimanini taamaatiinnassavaat. Killilersuinerilli unitsinneqarpata aatsaat tamanna pissasoq, Fagpressen.eu taama allaaserisaqarpoq.

Savalimmiormiut ammassassuarniarnerat, atlantikup avannaani aalisarnerup iluani ukiorpassuarni isumaqatigiissutigineqarsinnaasimanngitsoq, killilersuisoqalerneranut pissutaavoq. Siorna aggustip qaammataani killilersuisoqalerpoq.

Savalimmiut killilersuiffigineqarnissaat EU-mi akuersissutigineqarpoq

Savalimmiut Atlantikup avannaata kangiani ammassassuartassaat EU-p Savalimmiullu sapaatit-akunneri pingasut matuma siorna isumaqatigiissutigaat. Ammassassuartassat qanoq annertussusilernqassanersut suli inissinneqarsimanngilaq, affaannanngortinneqarnissaalli ilimagineqartoq, Fagpressen taama allaaserisaqarpoq.

Ammassassuarniartut allat, Norgep Islandillu, peqataatinneqaratik EU-p Savalimmiullu isumaqatigiissuteqarsimanerat naammaginartinngilaat.
 

Nunat taakku pingasut isumasioqqaarnagit EU-p Savalimmiunut pisassiissuteqarsimanera Norgemi Islandimilu aalisarnermut ministerinit "tupigusuutigineqartoq", Fiskeritidende.dk taama allaaserisaqarpoq.

Atlantikup avannaani ammassassuartassiissutit EU-p, Savalimmiut, Norgep, Islandip Ruslandillu akornanni agguarneqartussaapput. Atlantikup avannaani ammassassuartassiissutit agguarneqarnissaat pillugu misissueqqissaarinerup inernera septembarip aallaqqaataani naammassineqassangatinneqarpoq.

Avaleraasartoorniarneq aamma aaqqiagiinngissutigineqarsimavoq. Avaleraasartoortassat EU-p, Norgep Savalimmiullu marsip qaammataani isumaqatigiissutigaat peqatigisaanillu EU-llu Savalimmiut killilersuiffigineqarnerat peqatigisaanik taamaatsippaa.

EU Norgelu aalisagartassiissutit isumaqatigiissuteqarfigaat