Savalimmiut aamma eqqugaapput

Savalimmiuni TV-qarfik TV2-miit emailikkut ullaaq aamma allagarsivoq, pissartanngorniunnerit Savalimmiuni TV-kkut aamma aallakaatinneqarsinnaanngitsut.
juunip 06-at 2008 17:21

Savalimmiut TV-qarfianni nutaarsiassaqartitsinermi pisortaq, Øssur Winthereig oqarpoq, taama nalunaarfigineqarnertik tuppatigisimaqigitsik.

Savalimmiuni TV-qarfik namminersortoq TV2-p aallaakaatitaanik toqqaannartumik aallakaatitsissamaarpoq, Savalimmiunilu TV-qarfiup eqqumiigaa TV-qarfik namminersortoq taanna aallakaatitsisinnaappat, una utoqqatsissutigineqarmat Kalaallit Nunaat Savalimmiullu Europami pissartanngorniunnernik aallakaatitsisinnaanernut ilaatinneqanngimmata.

TV2-p aallakaatitai Nuuk TV-p aamma aallakaatissavai, kisianni nalunaaquttap akunnerinik sisamanik kingulliulluni.

Nuuk TV-milu pisortaq, Jens Olsen, oqarpoq, piginnittooqqaarnissamut tunngassuteqartut pissartanngorniunnernik aallakaatitsinernik eqquinavianngitsut.

-TV2-p aallakaatitaanik aallakaatitsinerni siammarterinissamut pisinnaatitaavugut, taamaammat pissartanngorniunnerit tamaasa aallakaatissavavut, kisianni tassa nalunaaquttap akunnerinik sisamanik kingulliulluta. Taama iliorniarnitsinni eqqarsaatigaavut isiginnaartartut isikkamik arsaannermik soqutigisaqarpallaanngitsut.