Savalimmiunut hashimik eqqusseriaq

Angut danskiusoq 43-nik ukiulik Savalimmiunut ikiaroornartumik hashimik kilo-p affaanik eqqusseriarsimagaluarluni ulluni 50-ni parnaarussassanngortinneqarpoq.

Angut Torshavnimi umiarsualivimmi ilaasortaammiit Nørrønamiit niusorlu politiit qimmia hashisunnimik naamalermat angut tigusarineqarpoq.

Angut 43-nik ukiulik siusinnerusukkut Savalimmiuniissimanngisaannarlunilu pinerluuteqarsimanngilaq.

Eqqartuunneqaramilu nassuiaasimavoq aningaasanik iluanaaruteqarnissani pillugu eqqusseriarsimalluni. Taanna oqaluttuarsimavoq Københavnimiitsilluni inuit naapitaasa neriorsorsimagaat Savalimmiunut hashimik eqqussippat aningaasanik 15.000-inik iluanaartissagitsik.

Angutip ulluni 50-ni parnaarussassanngortinneqarnini sakkortugisimavaa.

Savalimmiuni hashimik eqqussisoqartillugu pillaasarneq Danmarkimi pillaanermiit sakkortuneruvoq.

Savalimmiuni pillaasarnerup sakkortunerunera tunngaveqartinneqarpoq, inuiaqatigiittut avataaniit sunnertiasinnaasutut isigineqarami.