Savalimmiuni uuliamk nasaartoqarunarpoq
Uuliasioqatigiit arlalissuit, Savalimmiuni eqqaanilu uuliasiornermi peqataasut, pingajussaa uuliasiortussarsiortoqarmat qeqertanut tikeraarsimapput.
Uuliasiortussarsiorneq ukiaru pisussaavoq, uuliasiorfillu Chevron uuliamik nassaareermat soqutiginnittoqarluarnissaa ilimagineqarpoq, Chevron Tuluit Nunaata imartaani misiliummik uuliasiorpoq, uuliasiorfialu Savalimmiut Shetlandillu qeqertaasa killeqarfiata akornanni sømilinik afineq-pingasuinnarnik avasitsigisumiippoq.
Uuliamik nassaarfik ikkannermi ”Rosebank”-imik taaneqartartumiippoq, uulialu tamaani nassaarineqartoq pitsaalluinnartuuvoq piiaruminarluinnartuullunilu.
Uulia pillugu Savalimmiuni oqartussani pisortaq, Sigurd í Jákupstovvu, aviisimut Sosialurinimut oqarpoq, nutaarsiassat kingulliit isumalluarnaqisut.
Savalimmiut imartaanni uuliasiorluni ukioq 2000-imili tallimariarluni qillerisoqareerpoq, inernerilli manna tikillugu pakatsinartarsimapput, tassami susaanngikkunik basalti manngerpallaartarsimavoq.
Ikkannermili Rosebankimi maanna nassaartoqarnera isumalluartitseqqilerpoq.
