Savalimmiuni uuliamik nassaartoqarnissaa neriuutigineqaqqilerpoq

Savalimmiuni naalakkersuisut akuersissuteqarnerisigut uuliasioqatigiiffiit arlallit uuliasiorsinnaallutillu gassimik ujarlersinnaanngorput. Taamaalillutik savalimmiormiut uuliamik nassaartoqarnissaanik neriuuteqaleqqipput.
Allattoq Louise M. Kleemann
decembarip 08-at 2008 13:22

Akuersissutit pingasut tunniunneqarnerisigut danskit nukissiuuteqarnermut suliffissuaqarfiat DONG, Norgimiut Statoil peqatigalugit akuersissummik tunineqarput, soorlu aamma Savalimmiormiut nukissiuuteqarnermut suliffissui Faroe Petroleum aamma Atlantic Petroleum akuersissutinik tunineqartut. Nutaarsiassaqartitsivik Ritzau taama allaaserinnippoq.

Qillerisinnaanissamut akuersissutit katillugit 14-it Savalimmiuni naalakkersuisunit maannamut tunniunneqarnikuupput, qillerinerilli arfiniliinnaat naammassineqarnikuullutik – iluatsitsiffiunngitsumik.

Upernaaq manna kingullermik uuliasiortoqarpoq, pissarsiffiunngimmalli tamanna Savalimmiormiunnit pakatsissutigineqaqaaq. Taamani uuliasioqatigiiffik BNP Shell aamma Anadarko peqatigalugit Savalimmiut imartaani qillerigaluarput. Qillerineq taanna milliardit affaannik akeqarsimassangatinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq