Savalimmiuni utoqqarpassuaqalissaaq

Savalimmiuni utoqqaat ukiuni tulliuttuni amerleriarujussuarnissaat ilimagineqarpoq, utoqqaallu amerlanerulerpata Savalimmiuni inuiaqatigiit aaqqissugaanerat malunnaatilimmik allannguuteqassaaq, taama Savalimmiuni avisi ilisimatuussusermik sammisaqartoq Frødi allaaserisaqarpoq.

Savalimmiuni innuttaasunik naatsorsuinerup kingulliup takutippaa meeqqat inunngortartut siunissami ikinnerulerumaartut utoqqaallu amerlanerulerumaartut.

- Meeqqerivinnik atuarfinnillu atorfissaqartitsineq annikinnerulissaaq, utoqqaalli ikiortariaqartut amerlissapput, Savalimmiuni radio taama tusarliussivoq.

Savalimmiuni naatsorsueqqissaartarfik naapertorlugu Savalimmiut ullumikkut 48.000-inik inoqarput, inoorlaat 1996-imi 969-iusimapput, tamatumalu kingorna ukiumut inunngortartut ikiliartuaarsimapput 650-it 700-illu akornanniittarlutik.

Taamaattorli Savalimmiuni arnat Europami arnanut allanut naleqqiullutik amerlanerusunik suli meeqqiortartut Savalimmiuni naatsorsuinerit ersersitsipput.

Savalimmiuni arnat agguaqatigiissillugu 2,6-inik meeqqisarput Europami arnat inuunerminni ataatsimik marlunnilluunniit meeqqisarlutik.