Savalimmiuni umiarsuaatileqatigiiffik ingerlaannarsinnaanngorpoq
Smyril Line, Savalimmiuniit umiarsuarmik avammut attaveqaataat, ullumi Savalimmiuni naalakkersuisunit 40 miliuuni koruuninik taperneqarluni ingerlaannarsinnaanngorpoq.
Allattoq Louise M. Kleemann
Umiarsuaatileqatigiiffik 250-nik sulisoqartoq Danmarkimut, Savalimmiunut Islandimullu angalasartoq ”Norröna” ingerlaannarsinnaanngorpoq, Norgemukartarnerali Skotlandiliartarneralu amigartoorutaasarmata unitsinneqarput.
Lagtingimiit 40 miliuuni koruuninik tapiisoqanngikkaluarpat umiarsuaatillit akiliisinnaajunnaassagaluarput, Savalimmiuniillu nunanut avannarlernut umiarsuakkut attaveerutissagaluarluni.
Umiarsuaatillit kingusinnerpaamik ullumi taperneqanngikkaluarunik akiliisinnaajunnaassagaluarlutik, pisortaq Peter Holm aviisimut Nordjyskemut oqarpoq.