Savalimmiuni tusarnaartitsinerit annersaat

Noqartilimmik pattalluni erinarsortartoq nunarsuarmi tamarmi tusaamaneqarpoq tuluk kunngikkormiunit ataqqinassusiligaq Sir Elton John, Savalimmiut illoqarfiisa pingaarnersaani Torshavnimi aasaru tusarnaartitsiniarpoq.
Allattoq Jaaku Lyberth
apriilip 14-at 2010 06:11

Elton John tusarnaartitsigaangami inupparujussuarnik tusarnaartoqartarpoq.

Tórshavnimi tusarnaartitsileruni tusarnaatitsivissaani inuit 6500-t tusarnaartorineqarsinnaapput.

Tusarnaartitsinissamut billitsit nungunnissaat aaqqissuisup Kenneth Svolgaardip naatsorsuutigaa.

Savalimmiuni aatsaat taamat annertutigisumik tusarnaartitsisoqarnialerpoq, aaqqissuisuniillu naatsorsuutigineqanngilaq nunanit allanit tusarnaariartunik tikittoqarumaartoq, taamaattorli naatsorsuutigineqarpoq savalimmiormiut tusarnaariarniartut bilitsit nunngullugit pisiariumaaraat, aviisi politiken taamatu allaaserisaqarpoq.

Elton John nuusiaminik siullermik saqqummersitsivoq ukioq 1970-imi maannamullu oqaluttuartup nutai cd-illu katillugit 250 millionit tunisimavai.

Savalimmiuni tusarnaartitsinissamut bilitsit aqagu sisamanngornermi tuniniarlugit allartinneqassapput, bilitsi ataaseq 750 koruuneqarluni.

Torshavnimi arsaattarfimmi Tórshavns Landstadionimi juunip ulluisa 29-anni Sir Elton John tusarnaartitsissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq