Savalimmiuni timmisartuussisarnerit unammillerneqarput

Savalimmiuniit Københavnimut uterlugulu pingaarnertut timmisartuussisarnerni timmisartoq atorneqartartoq, Atlantic Airways, timmisartup allap maajip qaammataaniit unammillernialerpaa.

Taama allappoq angalanerni atuagassiaq, Take Off Weekly.

Piginneqatigiit aningaasaliissutaat 25 millioni koruunit iluaqutsiullugit timmisartoq sarpeqanngitsoq, FaroeJet, taama timmisartuussisinnaanngussaaq.

- Unammillerteqarluni iluassaqaaq, Atlantic Airwaysip pisortaanera oqarpoq.

FaroeJet tassaavoq aktie-nik piginneqatigiiffik, pisortaanertullu atorfeqarpoq, Johan Simonsen. Piginnittuupput savalimmiormiut suliffimmik avataanni inuinnartut piginneqataasut, aningaasaliisullu allat assigiinngitsut.

- Angallaffiunerpaaffiata nalaani Københavnip Savalimmiullu akornanni ullormut marloriarluta angalasassaagut, allanilli aamma angusaqarusuppugut. FaeroJet akikitsumik angallassisassanngilaq, akinulli unammillerniarpugut, pisortaaneq Johan Simonsen aviisimut Take Off-imut oqarpoq.