Torshavnimi timersortarfik Høllini á Halsi-hallenAssi: Googlemaps

EHF: Savalimmiuni timersortarfik nunamut allamut unamminissamut mikivallaarpoq

Danskit angutit assammik arsaannermi nunanut allanut unammisartui EM-eqarnerani Savalimmiormiunut Skjernimi unammissapput.

Savalimmiormiut aprilimi nuannaartorsuugaluarput, makitsinermi qallunaat anngunniunnermi unammisussanngoramikkit.

- Nuanneqaaq, savalimmiormiut nunanut allanut unammisartuisa sungiusaasuat Sonni Larsen taamani oqarpoq.

Qaammatilli pingasut maanna qaangiuttut taama nuannertiginngilaq.

Europamimi assammik arsaattartut kattuffiata, EHF-ip Savalimmiuni unammisarfimmik kattuffiup akuerisaanik peqanngitsoq aalajangerpaat, taamaammallu unamminissat Skjernimut maanna nuunneqalerput.

Taama aalajangerneq savalimmiormiut nunanut allanut unammisartuisa sungiusaasuata pikkunaagaa.

-  Savalimmiuni unammisinnaannginnerput uggorisorujussuuara. Danmark nunarsuarmi assammik arsartartuni pitsaanerpaat ilaanniippoq, taamaammat maani unammissallugit pitsaasorujussuugaluarpoq, Sonni Larsen TV 2 SPORTimut oqarpoq.

Savalimmiormiut EHF-imit immikkut akuerineqarlutik Torshavnimi Høllini á Halsi-hallenimi ukiorpassuarni unammisarput, Danmarkimulli unamminissaannut immikkut akuerineqaqqanatik.

Tamatumani isiginnaariat inissaqarpiannginnerat ilaatigut pissutaavoq. Isiginnaarianut ikinnerpaamik 2.000-inut inissaqarnissaq piumasaqaatigineqarpoq, savalimmiuniittorlu 1.400-iinnarnut inissaqarpoq.

Savalimmiormiut nunaqqatimik oktobarip 27-anni unammineranni illersorniarunikkit Skjerniliartariaqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat