Savalimmiuni takornariarfiusartut ilaat ukiormanna apriilimi matuneqarpoq takornariat innarlersimasaat aaqqissuunneqarniassammata.Assi: Anton Gundersen Lihn

Savalimmiuni takornariarfiusartoq iluarsartuunneqartussanngormat matuneqartoq

Takornariat ukiut arlerlugit ajoqusersimasaat 2020-imi apriilimi sapaatit akunnerata naanerani suliarineqartussanngorput.

Savalimmiuni pinngortitami takornariarfiusartut iluarsaanneqartussanngortut 2020-mi apriilip qaammaataani matuneqartussanngorput.

Takornariat pillugit kattuffiup Visit Faroe Islandip nittartagaani tamanna allaaserineqarpoq.

Savalimmiuni takornariartartut ukiut kingulliit amerliartupiloorput. 2013-imi 68.000-it takornariarput siornalu takornariat 110.000-inik amerleriaqqissimallutik.

Savalimmiunimi innuttaasut 51.000-iupput, taamaattumik takornariartartut innuttaasut amerlassusaannut sanillersuukkaanni innuttaasut marloriaataat takornariartarput.

Savalimmiuni aggustimi qineqqusaartoqarmat qeqertaaqqanut takornariartartut amerliartuinnartut qanoq iliuuseqarfigineqassanersoq oqaluuserineqarluarpoq.

Savalimmiuni takornariarfiusartut ilaat ukiormanna apriilimi matuneqarpoq takornariat innarlersimasaat aaqqissuunneqarniassammata.

Misileraalluni suliaqarneq aappaagu apriilimi misilinneqartussanngorpoq.

Takornarianut kajumissutsiminnik ikiuukkusuttunut ammasoq

Suliniut ”iluarsartuussisoqarnissaanut matoqqatinneqarpoq – takornarianut kajumissutsimik ikiuukkusuttunut ammavoq”-mik taaguuserneqarsimasoq nittartakkami allaaserineqarpoq.

Savalimmiut iluarsartuussinissamut atatillugu kajumissutsiminnik ikiuukkusuttut 100-t ujartorpai, taakkulu qeqertanut apriilip 16-iannit 17-iannut isersinnaatitaassapput.

Kajumissutsiminnik ikiuuttut iluarsartuussinermi peqataasut nerisaqartinneqarlutillu inissaqartinneqassapput.

- Naak Savalimmiunut takornariat piffissami matumanerpiaq amerlavallaanngikkaluartut takornariat ukiuni kingullerni 10 procentimik amerlanerat ornigarneqarluartartuni pinngortitamut mianernartumut sunniuteqarpoq, Visit Faroe Islands allappoq.

Takornariaqarnermut suliffeqarfiup pisortaata Guðrið Højgaardip ”tamanna takornariat amerlassusaannut tunnganngitsoq” CNN-imut siusinnerusukkut oqaatiginikuuaa.

- Takornariat tamarmik qeqertanut ukiut tamaasa tikilluaqqusarpagut, taamaakkaluartorli inuiaqatigiivut pinngortitarpullu kusanartoq aamma akisussaaffigaarput. Qeqertat attannissaat, illersornissaa aamma piujuartitsisumik akisussaassuseqartumik ineriartortitsinissaq anguniagaraagut.

Qeqertani takornariarfiulluartartut 14-t sapaatip akunnerani iluarsartuussinermi tamanut matqqatinneqassaaq. Uanilu Savalimmiuni qaqqat portunersaat Slættaratindur ilaalluni.

Savalimmiuni qeqertat katillugit 18-iupput. Qeqertat ataatsimoortut Danmarkimut naalagaaffeqatigiinnermut ilaapput, Savalimmiut 1948-mi namminersornerulerpoq 2005-imilu namminersulerluni.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat