Savalimmiuni sulluliarsuq nutaaq atulerpoq

Maannakkorpiaq Nuummi immap naqqagut Akianut 300 meterisut ititigisukkut sulluliorsinnaaneq eqqartorneqaleruttorpoq; mittarfiliorsinnaaneq siunertaralugu.

Savalimmiuni sulluliornerit misilittagaqarfigilluarneqarput, akunnerullu naanerani sulluliaq nutaaq atoqqaartinneqarpoq. Immap naqqagut sulluliaq 6,2 kilometerisut takitigisoq qeqertamit kippasinnerpaamit qeqertamut avannarpasinnerpaamut ingerlasoq ammarneqarpoq.

Taamaasilluni savalimmiormiut 85 procentii ikaartaatinut ilaannguaratik imminnut tikeraarsinnaalerput.

Sulluliaq taaguuteqartoq Nordoy angalasut akiliinerisigut aningaasalersorneqassaaq.

Nuummit Akianut sulluliortoqassappat naatsorsuutigineqarpoq milliardip affaanik, milliardinilluunniit akeqassasoq. Sananeqassappallu Savalimmiuni sulluliap takissusaata marloriaatigissavaa, 15 kilometeriussalluni.

Nuuk UgeAvisimi allaaserineqarpoq piviusunngortinneqassappat nunarsuarmi sulluliat tannersaralugulu itinerpaamiissanerarpaa.