Savalimmiuni sullorsualiulerput

Savalimmiormiut aammaarlutik sulluliornissarsuarmut piareersaasiulerput. Tamatumuuna eqqarsaatigineqarpoq Skåle-p kangerliumarngani immap iluatigut sullorsualiornissaq, taamaalillutik illoqarfiit angisuut tamaani kangerlummiittut Savalimmiut illoqarfiisa pingaarnersaannut, Torshavnimut attaveqarsinnaalissapput.

Pilersaarusiaq taanna 800 millioni koruunit missaannik akeqartussaavoq, Savalimmiunilu aatsaat taama aningaasartuutitaqartigisumik sanasoqassaaq.

Suliaq naammassippat Østerømiit minutsialunnguit taamaallaat atorlugit Torshavniliartoqarsinnaalissaaq, maanna aqqut taanna nunaannakkut aqqusinikkooraanni minutsit 15-it missaanni ingerlaffigineqartarpoq.

Sullorsualiaq 2012-imi naammassissangatinneqarpoq.

Savalimmiuni ukiut tallimat kingulliit ingerlaneranni marlunnik sulluliortoqareerpoq, tamaani qeqertani angallannermut oqilisaataasimaqisunik.

Sulluliat siulliit marluk kilometerit aalajangersimasut ingerlareeraanni akiliisarnikkut ingerlaffigineqartarput, aamma Torshavnip Østerø-llu akornanni sulluliaq taama aningaasatigut ingerlassasoq naatsorsuutigineqarluni.