Savalimmiuni suliumajunnaarput
Savalimmiuni Aningaasarsiornermut Aningaasaqarnermullu departementip aamma Savalimmiuni peqatigiiffiit annersaata – Atorfillit Kattuffiata – isumaqatigiinniarnerat ajalusoormat, Savalimmiuni pisortat suliffeqarfiutaanni suliumajunnaarnernik Savalimmiut eqqugaapput.
Marlunnik isumaqatigiissitsiniartoqarluni ullut marluk ataavartumik isumaqatigiinniartoqareersorlu, Aningaasarsiornermut Aningaasaqarnermullu naalakkersuisup, Bardur Nielsenip, Sanabandspartimeersup, isumaqatigiissutissatut siunnersuut – tassalu naalagaaffimmi atorfillit aningaasarsiaasa procentimik ataatsimik qaffannissaannik siunnersuut – itigartitsissutigaa.
Atorfillit Kattuffiata siulittaasuata – Gunnleivur Dalsgaardip – isumaqatigiissitsiniartut isumaqatigiissutissatut siunnersuutaat akuerereeraluarpaa. Isumaqatigiinniarnerit ajalusoornerat sulisitsisut tungaanniit sulisitsisoqarumajunnaarnertut Kattuffiup siulittaasuata
paasigamiuk, Savalimmiuni Atorfillit Kattuffiata ilaasortai tamaasa suliaminnik unitsitseqquvai.
Suliumajunnaartoqarnera kinguneraa naalakkersuisut allaffeqarfiisa tamarmik matoqqanerat. Savalimmiuni Radio TV-lu aamma nipaqaratillu assiliartaqanngillat, aviisiliortummi tusagassiortullu Atorfillit Kattuffiannut aamma ilaasortaapput.