Savalimmiuni suliffissaaleqinnginnerupput

Nunani avannarlerni savalimmiormiut suliffissaaleqinnginnerpaapput, taama Danmarkimi naatsorsueqqissaartarfik Gallup nalunaarpoq.

Savalimmiuni naatsorsueqqissaartarfik misissuinermik ingerlatsisuuvoq, misissuinerullu ersersippaa Savalimmiormiut 90 procentii, 15-iniit 64-inut ukiullit ullumikkut suliffeqartuusut. Savalimmiuni sulisinnaasut suliffeqartullu arnat angutillu amerlaqatigiiginnangajapput.

Aamma Island-imi suliffissaleqineq annikitsuinnaavoq, tassani innuttaasut sulisinnaasut 80 procentii suliffeqarmata.

Danmark pingajuuvoq, tassani sulisinnaasut 78 procentii suliffeqartuullutik. Norgemi sulisinnaasut tamarmiusut 76 procentii suliffeqarput, Sverigemilu sulisinnaasut 74 procentii suliffeqarlutik.

Nunatsinni naatsorsueqqissaartarfik ilisimatitsivoq, nunatsinni siornaak 2004-imi sulisinnaasut 15-iniit 63-inut ukiullit 38.473-iusimasut, taakkunanngalu ukiumut agguaqatigiissillugu 2.710-it suliffissaaleqisutut nalunaarsugaasimasut.