Savalimmiuni Socialdemokratit ajugaarujussuarput
Savalimmiormiut kommunalbestyrelsinut bygderådinullu ippassaq qinersimmata, Savalimmiuni illoqarfiit pingaarnersaanni Thorshavnimi socialdemokratit ajugaarujussuartut, nutaarsiassaqartitsivik Ritzau ullaaq manna taama nalunaarpoq.
Allattoq Louise M. Kleemann
Thorshavnimi socialdemokratit borgmesteriutitaata Hedin Mortensenip qinigaarujussuarnerata kinguneranik, partip ilaasortaatitai pingasuugaluartut tallimanngorput.
Savalimmiuni partit naalakkersuisoqatigiit tassaasut Socialdemokratit Republikanerillu qinersinermi ajugaasuupput, illuatungiliuttullu partivi tassaasut Folkeflokken aamma Sambandspartiet ajorsartuullutik.
Qinersinermi aamma paasinarsivoq illoqarfik Klaksvig siullerpaamik arnamik borgmestereqartussanngortoq, tassa Gunva vid Keldu borgmesterinngortussanngormat.